• ବେତାର ବ୍ୟୁରୋ

ଜିଓକୁ ଟକ୍କର ଦେବାକୁ ଇଣ୍ଟେକ୍ସ ଆଣୁଛି 700 ଟଙ୍କିଆ 4G ଫୋନ


ନୂଆଦିଲ୍ଲୀ: ଭାରତୀୟ କମ୍ପାନୀ ଇନ୍‌ଟେକ୍ସ ନିଜର 4G ଫିଚର୍ ଫୋନ୍ ଲଞ୍ଚ କରିବାକୁ ଯାଉଛି।

ଏହି ଫୋନ୍‌ର ନାଁ ରଖାଯାଇଛି ନବରତ୍ନ। ଯେଉଁଥିରେ ସ୍ମାର୍ଟ ଫିଚର ଫୋନ ମଡେଲ୍ ବି ସାମିଲ। ଏହି ସ୍ୱଦେଶୀ ଫୋନ୍ ୭୦୦ ଟଙ୍କାରେ ବଜାରରେ ଉପଲବ୍ଧ ହେବ। ତେବେ ଏହାର ଟପ୍ ମଡେଲର ଦାମ ରହିଛି ୧୫୦୦ ଟଙ୍କା।

ନିକଟରେ ରିଲିଆନ୍ସ ଜିଓ ତରଫରୁ 4G ଏଲଟିଇ ସପୋର୍ଟ କରୁଥିବା ସବୁଠୁ ଶସ୍ତା ଫୋନ୍ ଲଞ୍ଚ ହୋଇଥିଲା। ଏହି ଫୋନ୍ ମାଗଣାରେ ମିଳୁଥିବା ବେଳେ ଫୋନ୍‌ର ସିକ୍ୟୁରିଟି ପାଇଁ ୧୫୦୦ ଟଙ୍କା ଦେବାକୁ ପଡୁଛି।

ଇନ୍‌ଟେକ୍ସର 4G ଫିଚର୍ସ

ଏହି ଫୋନରେ 2.4 ଇଞ୍ଚ ସ୍କିନ୍ ରହିଥିବା ବେଳେ 2000 mAh ବ୍ୟାଟେରୀ ରହିଛି। ଏହାସହ 512 ଏମ୍‌ବି ରାମ୍ ଓ ଇଣ୍ଟରନାଲ୍ ମେମୋରୀ 4GB ରହିଛି` ଏଥିରେ 32 GB ପର୍ଯ୍ୟନ୍ତ ଏସ୍‌ଡି କାର୍ଡ ମଧ୍ୟ ବ୍ୟବହାର କରିପାରିବେ। ସେଲ୍‌ଫି ପାଇଁ ଏଥିରେ 2 mp ଫ୍ରଣ୍ଟ କ୍ୟାମେରା ଦିଆଯାଇଛି। ଏଥିରେ ଡୁଆଲ୍ କୋର୍ ପ୍ରୋସେସର ରହିଛି, ଯେଉଁଥିରେ ନେଟ୍ ବ୍ୟବହାର କଲେ ଏହାର ସ୍ପିଡ୍ ଅନ୍ୟ ସ୍ମାର୍ଟଫୋନ୍ ପରି ରହିବ।

ଏହାଛଡା ଏହି ଫୋନ ରେ ନୋଟ ଅସଲି ବା ନକଲି ଧରିବା ପାଇଁ ସଫ୍ଟୱେର ରଖାଯାଇଛି ଯାହା ଗ୍ରାହକ ମାନଙ୍କୁ ଫାଇଦା ଦେବ

#mobile

©2020 betara

World Trends Odia News at your fingertip-Betara

  • Facebook Social Icon
  • Twitter Social Icon