• (ବେତାର ବ୍ୟୁରୋ)

ଜାଣନ୍ତୁ : ସକାଳୁ କିସମିସ୍‌ ପାଣି ପିଇବାରେ ମିଳିଥାଏ ଏହିସବୁ ଉପକାର


(ବେତାର ବ୍ୟୁରୋ) ଲିଭର ବା କଲିଜା ମନୁଷ୍ୟ ଶରୀରର ଏକ ମହତ୍ତ୍ୱପୂର୍ଣ୍ଣ ଅଙ୍ଗ। ଏହା ଖାଦ୍ୟକୁ ସହଜରେ ହଜମ କରିବାରେ ସାହାଯ୍ୟ କରେ। ଏହା ଶରୀରରେ ପ୍ରବାହିତ ରକ୍ତକୁ ଶୁଦ୍ଧ କରିବା ସହ ପାଚନ ପ୍ରକ୍ରିୟା ମଧ୍ୟ ଠିକ୍‌ ରଖିଥାଏ।

ମୁଖ୍ୟତଃ ଅଧିକ ତେଲ ମସଲା ସହ ଫାଷ୍ଟ ଫୁଡ଼ ଖାଇବା, ମାଦକ ଦ୍ରବ୍ୟ ସେବନ କରିବା, ଏକ୍ସରସାଇଜ ନ କରିବା ଆଦି କୁଅଭ୍ୟାସ କାରଣରୁ ଲିଭର୍ ଠିକ୍‌ ଭାବେ କାମ କରିପାରିନ ଥାଏ। ତେଣୁ ଲିଭର୍‌ରୁ ବିଷାକ୍ତ ପଦାର୍ଥ ନିର୍ଗତ ନିମନ୍ତେ ଆମେ ଏକ ପ୍ରକାର ଡ୍ରିଙ୍କସ୍‌ର ସେବନ କରିପାରିବା।

ଏହି ଡ୍ରିଂକ୍ସ ଆପଣଙ୍କ ପ୍ରିୟ କିସମିସରେ ପ୍ରସ୍ତୁତ ହେଇଥାଏ । କେବଳ ଲିଭର ନୁହେଁ ଏହା ଆମ ଶରୀରର ଅନ୍ତନାଡୀକୁ ମଧ୍ୟ ସଫା କରିଥାଏ । ଅନ୍ତନାଡ଼ି ଖାଦ୍ୟ ହଜମ କରେଇବାରେ ଓ ତଥା ଶରୀରର ରୋଗ ପ୍ରତିଷେଧକ ଶକ୍ତି ବଢେଇବାରେ ଗୁରୁତ୍ଵପୂର୍ଣ୍ଣ ଭୂମିକା ବହନ କରିଥାଏ ।

କିସମିସ୍‌ରେ ପ୍ରସ୍ତୁତ ଏହି ପାନୀୟକୁ ପିଇବାର ୩ ଦିନ ପରେ ଲିଭରଜନିତ ବହୁ ସମସ୍ୟାରୁ ମୁକ୍ତି ମିଳିପାରିବ। ଏହାର ପ୍ରସ୍ତୁତ ପ୍ରଣାଳୀ ମଧ୍ୟ ଖୁବ୍‌ ସହଜ। ଏହାକୁ ରାତିରେ ପାଣିରେ ଫୁଟାଇ ଥଣ୍ଡା ହେବା ଲାଗି ଛାଡି ଦିଅନ୍ତୁ। ସକାଳେ ଖାଲି ପେଟରେ ଏହାକୁ ପିଇବା ସହ କିସମିସ୍‌କୁ ଖାଇ ଦିଅନ୍ତୁ। ୩ ଦିନ ଏପରି କଲେ ହିଁ ଆପଣ ଫରକ୍‌ ଅନୁଭବ କରି ପାରିବେ।

ଏନର୍ଜିରେ ଭରପୁର କିସମିସ୍‌ ଲୋ ଫ୍ୟାଟ୍‌ ଫୁଡ଼୍‌ ଅଟେ। ଏଥିରେ କିନ୍ତୁ ବହୁ ମାତ୍ରାରେ ଆଇରନ, ପୋଟାସିୟମ ଏବଂ ଆଣ୍ଟି ଆକ୍ସିଡେଣ୍ଟସ୍‌ ଭରି ରହିଛି। ଏହାକୁ ପାଣିରେ ବତୁରିବାକୁ ଛାଡ଼ିଦେବା ପରେ ଏହାର ଫାଇଦା ଆହୁରି ବଢିଯାଏ। କିସମିସ୍‌ ପାଣିରେ ପ୍ରଚୁର ମାତ୍ରାରେ ଭିଟାମିନ୍ସ ଆଉ ମିନେରାଲ୍ସ ଭରି ରହିଛି। ତେଣୁ ଏହାକୁ ପିଇବା ଦ୍ୱାରା ଆପଣ ଲିଭର୍‌ ସସମ୍ୟାରୁ ମୁକ୍ତି ପାଇପାରିବେ।

କିସମିସରେ ଥିବା ତନ୍ତୁ (ଫାଇବାର) ଶରୀରକୁ ଆବଶ୍ୟକୀୟ ତନ୍ତୁ ମଧ୍ୟ ପ୍ରଦାନ କରିଥାଏ । ଏଣୁ ବ୍ୟାୟମ କରିବା ଆଗରୁ, କୌଣସି ଦୂରସ୍ଥାନକୁ ଯାତ୍ରା କରିବା ଆଗରୁ ଆପଣ କିସମିସ ପାଣି ପିଇ ପାରିବେ, ଯାହା ଦୀର୍ଘ ସମୟଯାଏଁ ଆପଣଙ୍କୁ ଶକ୍ତି ଯୋଗାଇବ ଓ ଫୁର୍ତ୍ତି ପ୍ରଦାନ କରିବ ।

ସେହିପରି ଏହାର ଉପକାରୀ ଗୁଣ ଏସିଡିଟି ପରି ସମସ୍ୟାରୁ ମଧ୍ୟ ମୁକ୍ତି ଦେଇଥାଏ ।

#HealthTips #Fitness #HealthCare

©2020 betara

World Trends Odia News at your fingertip-Betara

  • Facebook Social Icon
  • Twitter Social Icon