• ବେତାର ବ୍ୟୁରୋ

ପ୍ରେମକୁ ପ୍ରଭାବିତ କରିଥାଏ ଏହିସବୁ ଗ୍ରହ, ଜାଣନ୍ତୁ ପ୍ରତିକାର


(ବେତାର ବ୍ୟୁରୋ) ସାଧାରଣ ଭାବେ ଦେଖିବାକୁ ଗଲେ ପ୍ରେମ ପାଇଁ ଆମ ମନ ଦାୟୀ। ତେବେ ଜ୍ୟୋତିଷିୟ ବିଜ୍ଞାନ ଅନୁସାରେ ପ୍ରତ୍ୟେକ ରାଶି ପାଇଁ କିଛି ନିର୍ଦ୍ଦିଷ୍ଟ ଗ୍ରହ ପ୍ରେମ ସମ୍ବନ୍ଧ ହେବା ବା ଏହାର ଭାଙ୍ଗିବା ପାଇଁ ଦାୟୀ ହେଇଥାଏ। 

ତେବେ ଆସନ୍ତୁ ଜାଣିବା ରାଶି ଅନୁସାରେ କେଉଁ ଉପାୟ ଅବଲମ୍ବନ କଲେ ପ୍ରେମ ବିବାହ ସଫଳ ହୋଇ ପାରିବ।

(ବି ଦ୍ର : ଏହି ଫଳାଫଳ କେବଳ ଜନ୍ମଗତ ବୈଦିକ ରାଶି ହିସାବରେ ଦିଆଯାଇଛି । ଆପଣଙ୍କ ଜନ୍ମ ଲଗ୍ନ ଓ ଦଶା ଅନନୁସାରେ ଫଳାଫଳ ଅଧିକ ଶୁଭ ବା ଅଶୁଭ ହେଇପାରେ । ଏଠାରେ ଦିଆଯାଇଥିବା ତଥ୍ୟକୁ କେବଳ ଏକ ସଂକେତ ଭାବେ ଧରି ନେବାକୁ ଅନୁରୋଧ । )

ମେଷ: ଏମାନଙ୍କ ବିବାହ ସୂର୍ଯ୍ୟ ଦେବତାଙ୍କ କାରଣରୁ ହୋଇଥାଏ ଓ ଶନି ଦେବତାଙ୍କ କାରଣରୁ ଭାଙ୍ଗିଥାଏ। ପ୍ରେମ ବିବାହକୁ ସଫଳ କରିବା ପାଇଁ ନିତିଦିନ ସୂର୍ଯ୍ୟ ଦେବତାଙ୍କୁ ଜଳ ଅର୍ପଣ କରନ୍ତୁ ଏବଂ ଶନିବାର କଳା ବସ୍ତୁ ଦାନ କରନ୍ତୁ।

ବୃଷ: ଏମାନଙ୍କ ପ୍ରେମ ବିବାହ ମଙ୍ଗଳ କାରଣରୁ ହୋଇଥାଏ ଓ ବୃହସ୍ପତି କାରଣରୁ ଭାଙ୍ଗିଥାଏ। ପ୍ରେମ ବିବାହକୁ ସଫଳ କରିବା ପାଇଁ ମଙ୍ଗଳବାର ଉପାବାସ କରନ୍ତୁ ଏବଂ ବୃହସ୍ପତି ବାର ମାନେ ଗୁରୁବାର ଦିନ ହଳଦିଆ ବସ୍ତୁ ଦାନ କରନ୍ତୁ।

ମିଥୁନ: ଏମାନଙ୍କ ପ୍ରେମ ବିବାହ ଶୁକ୍ର ପ୍ରଭାବରେ ହୋଇଥାଏ ଏବଂ ମଙ୍ଗଳ ପ୍ରଭାବରେ ଭାଙ୍ଗିଯାଏ। ଚାନ୍ଦି ବା ଧଳା ରଙ୍ଗ ପ୍ରୟୋଗରେ ପ୍ରେମ ବିବାହ ସଫଳ ହୋଇଥାଏ । ନାଲି ରଙ୍ଗରୁ ଦୂରେଇ ରୁହନ୍ତୁ ଏବଂ ମଙ୍ଗଳବାର ଦିନ ଗୁଡ ଦାନ କରନ୍ତୁ।

କର୍କଟ: ଏମାନଙ୍କ ପ୍ରେମ ବିବାହରେ ସବୁଠାରୁ ଅଧିକ ଗୁରୁତ୍ବପୂର୍ଣ୍ଣ ଭୂମିକା ଶନିଦେବଙ୍କର ହୋଇଥାଏ। ପ୍ରେମ ବିବାହକୁ ସଫଳ କରିବା ପାଇଁ ଶନି ମନ୍ତ୍ର ଜପ କରନ୍ତୁ। କଳା ରଙ୍ଗ ବ୍ୟବହାର କରନ୍ତୁ ନାହିଁ ଏବଂ ହଳଦିଆ ରଙ୍ଗ ପ୍ରୟୋଗ କରନ୍ତୁ।

ସିଂହ: ଏମାନଙ୍କ ପ୍ରେମ ବିବାହରେ ଶନିଦେବତାଙ୍କର ସବୁଠାରୁ ଅଧିକ ଗୁରୁତ୍ବପୂର୍ଣ୍ଣ ଭୂମିକା ରହିଥିବା ବେଳେ ବୁଧ ଗ୍ରହ ପ୍ରଭାବରେ ଭାଙ୍ଗିଥାଏ। ସଫଳ ପ୍ରେମ ବିବାହ ପାଇଁ ହାଲକା ନୀଳ ରଙ୍ଗ ପ୍ରୟୋଗ କରନ୍ତୁ ଏବଂ ବୁଧବାର ଦିନ  ସବୁଜ ବସ୍ତୁ ଦାନ କରନ୍ତୁ।

କନ୍ୟା: ଏହି ରାଶିର ପ୍ରେମ ବିବାହ ଶନିଙ୍କ କୃପାରୁ ହୋଇଥିବା ବେଳେ ମଙ୍ଗଳ ପ୍ରଭାବରେ ଭାଙ୍ଗିଥାଏ । ପ୍ରେମ ବିବାହ ପାଇଁ ଶନି ମନ୍ତ୍ର ଜପ କରନ୍ତୁ ଏବଂ ହାଲକା ନୀଳ ରଙ୍ଗ ପ୍ରୟୋଗ କରନ୍ତୁ। ପ୍ରତି ମଙ୍ଗଳବାର ଦିନ ଭଗବାନ ହନୁମାନଙ୍କୁ ସିନ୍ଦୁର ଚଢାନ୍ତୁ ଏବଂ ଏହି ଦିନ ଲୁଣ ଖାଆନ୍ତୁ ନାହିଁ।

ତୁଳା: ଏମାନଙ୍କର ପ୍ରେମ ବିବାହ ମଙ୍ଗଳ ପ୍ରଭାବରେ ହୋଇଥାଏ ଓ ବୃହସ୍ପତି ପ୍ରଭାବରେ ଭାଙ୍ଗିଥାଏ। ପ୍ରେମ ବିବାହରେ ସଫଳ ହେବା ପାଇଁ ହନୁମାନ ଚାଳିଶା ପାଠ କରନ୍ତୁ। ପ୍ରତି ବୃହସ୍ପତି ବାର ମାନେ ଗୁରୁବାର ଦିନ କଦଳୀ ଦାନ କରନ୍ତୁ ଏବଂ ଜଳରେ ହଳଦୀ ପକାଇ ସ୍ନାନ କରନ୍ତୁ।

ବିଛା: ଏହି ରାଶିର ପ୍ରେମ ବିବାହ ଶୁକ୍ର କାରଣରୁ ହୋଇଥାଏ ଏବଂ ବୁଧ ପ୍ରଭାବରୁ ଭାଙ୍ଗିଥାଏ। ଶୁକ୍ରମନ୍ତ୍ର ଜପ କରନ୍ତୁ ଏବଂ ପ୍ରତିଦିନ ହଲକା ସୁଗନ୍ଧ ବା ଅତର ବ୍ୟବହାର କରନ୍ତୁ। ବୁଧବାର ଦିନ ମୁଗ ଡାଲି ଦାନ କରନ୍ତୁ।

ଧନୁ: ଏମାନଙ୍କ ପ୍ରେମ ବିବାହ ମଙ୍ଗଳ କାରଣରୁ ହୋଇଥାଏ ଏବଂ ଶନି କୋପରୁ ଭାଙ୍ଗିଥାଏ। ତମ୍ବା ଧାରଣ କରନ୍ତୁ, ଗୋଲାପ ରଙ୍ଗ ପ୍ରୟୋଗ କରନ୍ତୁ ଏବଂ ମୁଗ ଖାଆନ୍ତୁ। ଶନିବାର କଳା ବସ୍ତୁ ଦାନ କରନ୍ତୁ।

ମକର: ଏହି ରାଶିର ଲୋକଙ୍କ ପ୍ରେମବିବାହ ହେବା ଓ ଭାଙ୍ଗିବା ଗୋଟିଏ ଗ୍ରହ ଚନ୍ଦ୍ରମା କାରଣରୁ ହୋଇଥାଏ। ଚାନ୍ଦି ଧାରଣ କରନ୍ତୁ ଏବଂ ଚମକୁଥିବା ଧଳା ରଙ୍ଗ ପ୍ରୟୋଗ କରନ୍ତୁ।

କୁମ୍ଭ: ଏମାନଙ୍କ ପ୍ରେମ ବିବାହ ସୂର୍ଯ୍ୟ ଦେବତା କାରଣରୁ ହୋଇଥାଏ ଏବଂ ଅନେକାଂଶରେ ମଙ୍ଗଳ କାରଣରୁ ଭାଙ୍ଗିଯାଏ। ସୂର୍ଯ୍ୟ ଦେବତାଙ୍କୁ ଜଳ ଅର୍ପଣ କରନ୍ତୁ ଏବଂ ରବିବାର ଉପବାସ କରନ୍ତୁ। ନାଲି ରଙ୍ଗର ବ୍ୟବହାର କରନ୍ତୁ ନାହିଁ ଏବଂ ନିୟମିତ ହନୁମାନଙ୍କ ଦର୍ଶନ କରନ୍ତୁ ।

ମୀନ: ଏମାନଙ୍କ ପ୍ରେମ ବିବାହ ଚନ୍ଦ୍ରମା କାରଣରୁ ହୋଇଥାଏ ଏବଂ ବୁଧ କାରଣରୁ ଭାଙ୍ଗିଯାଏ। ଭଗବାନ ଶିବ ଠାକୁରଙ୍କୁ ଉପାସନା କରିବା ସହ ପୂର୍ଣ୍ଣିମା ଦିନ ଉପବାସ ରଖନ୍ତୁ। ସବୁଜ ରଙ୍ଗରୁ ଦୂରେଇ ରୁହନ୍ତୁ।

#Jyotish #LiveLife

©2020 betara

World Trends Odia News at your fingertip-Betara

  • Facebook Social Icon
  • Twitter Social Icon