• ବେତାର ବ୍ୟୁରୋ

ଏହି ସବୁ ଅଭ୍ୟାସରୁ ହୋଇପାରେ ଅଲସର୍: ଜାଣନ୍ତୁ ଲକ୍ଷଣ ଓ ନିରାକରଣ


(ବେତାର ବ୍ୟୁରୋ) ପରିବର୍ତ୍ତିତ ଜୀବନଶୈଳୀ, ଖାଦ୍ୟପେୟରେ ସନ୍ତୁଳନ ନ ରହିବା ବିଭିନ୍ନ ରୋଗକୁ ଡାକି ଆଣିଥାଏ । ସେଥିମଧ୍ୟରେ ଅଲସର ଅନ୍ୟତମ । ପେଟର ଏହି ରୋଗ ବେଳେବେଳ ମାରାତ୍ମକ ହୋଇଯାଇଥାଏ । ଏହି ରୋଗରେ ପେଟରେ ଘା ହେବା ଦ୍ୱାରା ବହୁତ ଯନ୍ତ୍ରଣା ହୋଇଥାଏ । ଏଥିରୁ ମୁକ୍ତି ପାଇବାକୁ ହେଲେ ପ୍ରଥମେ ଜାଣିବାକୁ ହେବ ରୋଗର କାରଣ । ଏଥିସହ ଏହାର ନିରାକରଣ ପାଇଁ କ’ଣ କରିବାକୁ ପଡିବ ଆସନ୍ତୁ ଜାଣିବା ।

ମସଲା ଯୁକ୍ତ ଖାଦ୍ୟ, ଚା, କଫି ମୁଖ୍ୟ କାରଣ ଖାଦ୍ୟକୁ ସ୍ୱାଦିଷ୍ଟ କରୁଥିବା ତେଲ ମସଲାର ଅଧିକ ମାତ୍ରାରେ ପ୍ରାୟେଗ ଏହି ରୋଗର ମୁଖ୍ୟ କାରଣ । ଅଧିକ ଖଟା ଜାତୀୟ ଖାଦ୍ୟ ମଧ୍ୟ ଏହି ରୋଗକୁ ଡାକି ଆଣିଥାଏ । ଏଥିସହ ବହୁ ଥର ଚା, କଫି ଆଦି ପିଇବା ଦ୍ୱାରା ଅଲସର ହେବାର ଆଶଙ୍କା ବଢିଥାଏ । ସେହିପରି ମାତ୍ରାଧିକ ନିଶା ଦ୍ରବ୍ୟ ଯେପରି ବିଡି, ସିଗାରେଟ ଓ ମଦ୍ୟପାନ ଦ୍ୱାରା ମଧ୍ୟ ଅଲସର ହେବାର ଆଶଙ୍କା ଅଧିକ ଥାଏ । 

ଏହି ସବୁ ଖାଦ୍ୟପାର୍ଥ ଦ୍ୱାରା ପେଟରେ ଏସିଡିର ମାତ୍ରା ବଢିଯାଇଥାଏ । ଫଳରେ ପେଟରେ ଘା, ହେବା ଚର୍ମ ଛାଲି ହୋଇଯାଇ ପେଟ ବଥା ହୋଇଥାଏ । ବେଳେବେଳେ ଏଥିଯୋଗୁ ଯନ୍ତ୍ରଣା ସହ୍ୟ ହୋଇପାରି ନ ଥାଏ ।

ଅଲସରର ଲକ୍ଷଣ - ପେଟର ଉପର ଭାଗରେ ବ୍ୟଥା । ୨- ଖାଇ ସାରିବା ପରେ ପେଟ କାମୁଡିବା । - ଖାଲି ପେଟରେ ମଧ୍ୟ ପେଟ ବ୍ୟଥା ହେବା । - ଖାଦ୍ୟ ନଳୀ ଓ ଛାତି ଜୋରରେ ପୋଡିବା । - ଅଧିକାଂଶ ସମୟରେ ବାନ୍ତି ଦେଖେଇବା ସହ ବେଳେବେଳେ ରକ୍ତ ବାନ୍ତି ହେବା । - ଛାତିର ଉପର ଭାଗରେ ଯନ୍ତ୍ରଣା ହେବା । - କଳା ରଙ୍ଗର ମଳତ୍ୟାଗ । - ଓଜନ ହ୍ରାସ ହେବା ।

ଏହି ସବୁ ଲକ୍ଷଣ ଦେଖାଯାଉଥିଲେ ଆପଣ ଡାକ୍ତରଙ୍କ ପରାମର୍ଶ କରିବା ଆବଶ୍ୟକ । ଏଥିସହ କିଛି ଘରୋଇ ଉପାୟ ମଧ୍ୟ ଅବଲମ୍ବନ କରିପାରିବେ ।

- ଗାଈ ଖୀରରେ କିଛି ମାତ୍ରାରେ ହଳଦି ମିଶାଇ ପିଅନ୍ତୁ । - ବେଲପତ୍ର ବାଟି ପାଣିରେ ପିଅନ୍ତୁ । ବେଲ ପଣା କରି ମଧ୍ୟ ପିଇପାରିବେ । - ବାଦାମକୁ ରାତିରେ ପାଣିରେ ଭିଜାଇ ସକାଳେ ଏହାକୁ ଚୋବାନ୍ତୁ । ଏଥିସହ ବାଦାମ ଗୁଣ୍ଡ କରି ଖୀରରେ ଗୋଳାଇ ପିିଇଲେ ମଧ୍ୟ ଲାଭ ମିଳିଥାଏ । - କଦଳୀ, ପଇଡ ପାଣି, ଗାଜର, ମେଥିଦାନା ଆଦି ଖାଇବା ଅଲସର ଭଲ କରିବାରେ ସହାୟକ ହୋଇଥାଏ ।

#health #ulcer #Healthy

©2020 betara

World Trends Odia News at your fingertip-Betara

  • Facebook Social Icon
  • Twitter Social Icon