ସକାଳେ ଖାଲି ପେଟରେ ଖାଆନ୍ତୁ ନାହିଁ ୫ଟି ଜିନିଷ

Monday, September 4, 2017

କୁହାଯାଏ ସକାଳ ଜଳଖିଆ ଭଲ ଭାବେ ଖାଇବା ଉଚିତ। କିନ୍ତୁ ଆମମାନଙ୍କ ମଧ୍ୟରୁ ଅଧିକାଂଶ ସକାଳ ଜଳଖିଆକୁ ଗୁରୁତ୍ୱ ଦିଅନ୍ତି ନାହିଁ। ଯେହେତୁ ଖାଲି ପେଟରେ ରହିବା ଉଚିତ ନୁହେଁ ବୋଲି କୁହାଯାଏ, ତେଣୁ ବେଳେ ବେଳେ ଯାହା ହେଲେ ଅଳ୍ପ କିଛି ଖାଇ ଦିଅନ୍ତି। ସେମିତି ଯେଉଁମାନେ ସକାଳୁ ଅଫିସ୍ ଯାଆନ୍ତି ସେମାନେ ଜଲଦି ଜଲଦିରେ ଯାହା କିଛି ପାରନ୍ତି ଖାଇ ଦେଇ ଚାଲି ଯାଆନ୍ତି। ସକାଳୁ ଖାଲି ପେଟରେ ରହିବା ଉଚିତ୍ ନୁହେଁ, କିନ୍ତୁ ଯାହା ପାରି ତାହା ବି ଖାଇବା ଉଚିତ ନୁହେଁ। ସକାଳୁ ଖାଲି ପେଟରେ ରହିଲେ ଏସିଡିଟି ଭଳି ସମସ୍ୟା ଦେଖାଯାଏ।

 

ଖାଲି ପେଟରେ ସ୍ୱାଭାବିକ ଭାବେ ଅମ୍ଳ (ଏସିଡ) ଥାଏ। ଏହି ସମୟରେ ଅମ୍ଳ ସୃଷ୍ଟି କରୁଥିବା ଖାଦ୍ୟ ଖାଇଲେ, ନାନା ସମସ୍ୟା ସୃଷ୍ଟି ହୁଏ; ହଜମ ଶକ୍ତି ନଷ୍ଟ ହୁଏ। ତେଣୁ, ଖାଲି ପେଟରେ ଥିବା ବେଳେ କେଉଁ ଖାଦ୍ୟ ଖାଇବା ଅନୁଚିତ, ଜାଣନ୍ତୁ। ସେମିତି କିଛି ଖାଦ୍ୟ ଅଛି ଯେଉଁଗୁଡ଼ିକୁ ସକାଳୁ ଖାଲି ପେଟରେ ଖାଇଲେ କ୍ଷତିକାରକ ସାବ୍ୟସ୍ତ ହୋଇଥାଆନ୍ତି। ବିଶେଷଜ୍ଞମାନେ ଖାଲି ପେଟରେ ଏହି ଖାଦ୍ୟଗୁଡ଼ିକୁ ଖାବାକୁ ବାରଣ କରିଛନ୍ତି। 

 

ମସଲାଯୁକ୍ତ ଖାଦ୍ୟ:- ସକାଳ ଜଳଖିଆରେ ଅଧିକ ମସଲା ଓ ରାଗଯୁକ୍ତ ଖାଦ୍ୟ ଖାଆନ୍ତୁ ନାହିଁ। ଏହା ଖାଇବା ଦ୍ୱାରା ଏସିଡିଟି ହୋଇଥାଏ। ତା’ସହ ବ୍ରଣ ସମସ୍ୟା ମଧ୍ୟ ଦେଖାଯାଇଥାଏ।

 

ସଫ୍ଟ ଡ୍ରିଙ୍କସ୍:- ସଫ୍ଟ ଡ୍ରିଙ୍କ୍ସ ବିଶେଷ କରି କୋଲ୍‌ଡ ଡ୍ରିଙ୍କସକୁ କେବେ ବି ଖାଲି ପେଟରେ ପିଅନ୍ତୁ ନାହିଁ। କାରଣ ଏଥିରେ ଅଧିକ ମାତ୍ରାରେ କାର୍ବୋନେଟ ଏସିଡ୍ ରହିଥାଏ। ଏହି ଏସିଡ୍ ପେଟରେ ଥିବା ଏସିଡ ସହ ମିଶି ଗମ୍ଭୀର ସମସ୍ୟାର କାରଣ ହୋଇପାରେ।  ଖାଲି ପେଟରେ କୋଲ୍ଡ ଡିଙ୍କସ ପିଇବା ଗ୍ୟାସ ଓ ବାନ୍ତି ଭଳି ସମସ୍ୟାର ସମ୍ମୁଖୀନ ହେବାକୁ ପଡ଼ିବ। ସେହିପରି ଥଣ୍ଡା କଫି ଆପଣଙ୍କ ପେଟର ସେହି ଝିଲ୍ଲୀକୁ କ୍ଷତି ପହଞ୍ଚାଇଥାଏ ଯାହା ପାଚନ କ୍ରିୟାରେ ସାହାଯ୍ୟ କରିଥାଏ। ତେଣୁ କୋଲ୍ଡ କଫି ଆଦି ବଦଳରେ ଆପଣ ଗରମ ଗ୍ରୀନ୍ ଟି ଅବା ହାଲ୍‌କା ଉଷୁମ ପାଣି ପିଇ ପାରିବେ।

 

ଖଟା ଫଳ:- ଖାଲି ପେଟରେ ଖଟା ଜାତୀୟ ଫଳ ଖାଆନ୍ତୁ ନାହିଁ। କମଳା, ଲେମ୍ବୁ ଓ ପିଜୁଳି  ପରି ଫଳ ଖାଲି ପେଟରେ ଖାଆନ୍ତୁ ନାହିଁ। ଏହା ଦ୍ୱାରା ପେଟରେ ଏସିଡ୍‌ ହୋଇଥାଏ। ଏହି ସବୁ ଫଳରେ ଫାଇବର ଓ ଫ୍ରୁକ୍ଟୋଜ ଭଳି ପୋଷକ ତତ୍ତ୍ୱ ରହିଛି। ଏହା ଠିକ୍। କିନ୍ତୁ ଏଗୁଡ଼ିକୁ ଖାଲି ପେଟରେ ଖାଇଲେ ପାଚନକ୍ରିୟା ମନ୍ଥର ହୋଇଯାଏ। ତେଣୁ ଏଗୁଡ଼ିକୁ ଖାଲି ପେଟରେ ଖାଆନ୍ତୁ ନାହିଁ।

 

କଫି,କ୍ଷୀର:- ଖାଲି ପେଟରେ କଫି ପିଇଲେ ଆପଣଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପଡ଼ିପାରେ। ଏହାର ପ୍ରଭାବରେ ଏସିଡିଟି ହୋଇପାରେ। ଖାଲି ପେଟରେ ପିଇଲେ, ପେଟର ମାଂସପେଶୀ ଦୁର୍ବଳ ହେବା ସହ କଫ ସମସ୍ୟା ବଢ଼େ।ସେହି ପରି ଚାହା, କଫି, ଚିନି ଓ ମିଠା, ସବୁଜ ଚାହା ଏବଂ ମୃଦୁ ପାନୀୟ ଖାଲି ପେଟରେ ଖାଆନ୍ତୁ/ପିଅନ୍ତୁନାହିଁ।

 

କଦଳୀ: - ଏଥିରେ ପ୍ରଚୁର ପରିମାଣରେ ମାଗ୍‌ନେସିଅମ୍‌ ଥାଏ। ଖାଲି ପେଟରେ ଖାଇଲେ, କାଲ୍‌ସିଅମ୍‌ ଓ ମାଗ୍‌ନେସିଅମ୍‌ ଭାରସାମ୍ୟ ବିଗାଡ଼ିଦିଏ। ଛାତିରେ ଜଳା-ପୋଡ଼ା ହୁଏ।

 

Tags:

Share on Facebook
Share on Twitter
Please reload

ଅନ୍ୟାନ୍ୟ ବେତାର
Please reload

©୨୦୧୯ବେତାର 

World Trends Odia News at your fingertip-Betara

  • Facebook Social Icon
  • Twitter Social Icon