ସୁନ୍ଦର କେଶ ପାଇଁ ସାମ୍ପୋ ସହ ଲଗାନ୍ତୁ ଏହିସବୁ ଜିନିଷ

Monday, April 23, 2018

 ସୁନ୍ଦର କେଶ ନାରୀର ସୌନ୍ଦର୍ଯକୁ ଦୁଇଗୁଣ କରିଥାଏ । କେଶକୁ ସୁସ୍ଥ,ସୁନ୍ଦର ଓ ମଜଭୁତ ରଖିବା ପାଇଁ ଓ ନିଜ ନିଜର କେଶର ଆବଶ୍ୟକତା ଅନୁଯାୟୀ ଭିନ୍ନ ଭିନ୍ନ ସମ୍ପୋ ବ୍ୟବହାର କରିଥାନ୍ତି ।ସାମ୍ପୋ ର ବ୍ୟବହାର ସମୟରେ ଏହି ୬ ଟି ସାମଗ୍ରୀ ମିଶାନ୍ତୁ ଯାହାକି ଆପଣଙ୍କ ଘରେ ଆପଣ ସହଜରେ ପାଇପାରିବେ ଓ କେଶକୁ ଆହୁରି ସୁନ୍ଦର ମଧ୍ୟ କରିପାରିବେ।

 

ଲେମ୍ବୁ ରସ: କେଶର ମୂଳ କୁ ଭଲ ଭାବରେ ସଫା ରଖିବା ପାଇଁ ସାମ୍ପୋ ଲଗାଇବା ସମୟରେ ଏକ ଚାମଚ ଲେମ୍ବୁ ରସ ମିଶାଇ କେଶ ମୂଳରେ ଲଗାନ୍ତୁ । ଏହା କେଶମୂଳକୁ ସଫା ରଖିବା ସହିତ ମଜଭୁତ ମଧ୍ୟ ରଖିଥାଏ। ଓ କେଶ ମୂଳର ପିଏଚ ସ୍ତର ସୁରକ୍ଷିତ ରଖିଥାଏ ।

 

ଗୋଲାପ ଜଳ : ପ୍ରତିଦିନ ସାମ୍ପୋ ସହିତ ଗୋଲାପ ଜଳର ବ୍ୟବହାର କେଶରେ ଆଣିଥାଏ ସୁନ୍ଦର ଚମକ । ସାମ୍ପୋ ସହିତ ଗୋଟିଏ କପ ଗୋଲାପ ଜଳ ମିଶାଇ ବ୍ୟବହାର କରିବା ଦ୍ଵାରା ଏହା ଆପଣଙ୍କ କେଶମୂଳ କୁଣ୍ଡାଇ ହେବା ସମସ୍ୟା ଦୂର କରିଥାଏ।

 

ମହୁ: ରୁକ୍ଷକେଶ ପାଇଁ ମହୁ ଅତ୍ୟନ୍ତ ଉପଯୋଗୀ। ସାମ୍ପୋ ସହ ଗୋଟିଏ ଚାମଚ ମହୁର ବ୍ୟବହାର କେଶରେ ସୁନ୍ଦର ଚମକ ଆଣିଥାଏ। କେଶମୂଳର କୀଟାଣୁ ମଧ୍ୟ ମରିଥାଏ । ମହୁର ବ୍ୟବହାର ପରେ କେଶକୁ ଭଲ ଭାବରେ ଧୋଇବାକୁ ଭୁଲିବେ ନାହିଁ, ଯେପରି ମହୁର ଅଠାଳିଆ ଅଂଶ କେଶରେ ଲାଗି ନରୁହେ।

 

ଆଲୋଭେରା ଜେଲ : ଏହି ଜେଲର ଉପକାରିତା ସମସ୍ତଙ୍କୁ ଜଣା । ସାମ୍ପୋ ସହ ଏହି ଜେଲ କୁ ମିଶାଇ ବ୍ୟବହାର କରିବା ଦ୍ଵାରା କେଶକୁ ନମନୀୟ ରଖିବା ସହ କେଶକୁ ଦୋମୁହାଁ ହେବାରୁ ମଧ୍ୟ ରୋକିଥାଏ ଓ କେଶକୁ ଜଲ୍ଦି ବଢିବାରେ ମଧ୍ୟ ସାହାଯ୍ୟ କରିଥାଏ ।

 

ଅଁଳା ରସ : ଶୁଷ୍କ କେଶ ପାଇଁ ଅଁଳା ରସ ଅତ୍ୟନ୍ତ ଉପକାରୀ। ସାମ୍ପୋ ସହ ଗୋଟେ ଚାମଚ ଅଁଳା ରସ ମିଶାଇ କେଶରେ ଲଗାଇଲେ କେଶ କଳା ହେବା ସହ ଶୀଘ୍ର ବଢିବାରେ ମଧ୍ୟ ସାହାଯ୍ୟ କରିଥାଏ । ଭଲ ଫଳାଫଳ ପାଇଁ ଏହାର ନିୟମିତ ବ୍ୟବହାର କରନ୍ତୁ।

 

ଟି’ ଟ୍ରି ତେଲ (ଚା ଗଛର ତେଲ ): ଏହା ଅତ୍ୟନ୍ତ ଉପକାରୀ ତେଲ। ଯାହା ଆପଣ ସାମ୍ପୋ ସହ ବ୍ୟବହାର କରିପାରିବେ। ଏହା କେଶରୁ ରୂପୀ ସମସ୍ୟା ଦୂର କରିଥାଏ। ପ୍ରତି ସପ୍ତାହରେ ଏହାର ବ୍ୟବହାର କରିବା ଦ୍ଵାରା ଆପଣ ସମ୍ପୂର୍ଣ ରୁପିମୁକ୍ତ କେଶ ପାଇପାରିବେ।

 

Share on Facebook
Share on Twitter
Please reload

ଅନ୍ୟାନ୍ୟ ବେତାର
Please reload

©୨୦୧୯ବେତାର 

World Trends Odia News at your fingertip-Betara

  • Facebook Social Icon
  • Twitter Social Icon