ମୁହଁର ଅନାବଶ୍ୟକ କେଶ ଏମିତି ଦୂର କରେ ଅଣ୍ଡା,ଲେମ୍ବୁ

(ବେତାର ବ୍ୟୁରୋ) ଆଜିକାଲିର ହାଇକ୍ଵାଲିଟି କ୍ୟାମେରାରେ ଉଠୁଥିବା ଫୋଟୋରେ ମୁହଁର ଅନାବଶ୍ୟକ କେଶ ବେଳେ ବେଳେ ଦିଶିଥାଏ, ଯାହାକି ଭଲ ଲାଗି ନ ଥାଏ ।ଏପରି କେଶ ମୁହଁର ସୌନ୍ଦର୍ଯ୍ୟକୁ କମାଇଥାଏ ।

 

ଯଦିଓ ୱାକ୍ସିଙ୍ଗ କରିବାଦ୍ଵାରା ମୁଖମଣ୍ଡଳରୁ ଏହିସବୁ ଅନାବଶ୍ୟକ କେଶ ଦୂର ହୋଇଥାଏ, ତେବେ ଏହି ପଦ୍ଧତିରେ ଅନେକଙ୍କୁ କଷ୍ଟ ହେଇଥାଏ । ୱାକ୍ସିଙ୍ଗ କରିବା ଦ୍ବାରା ତ୍ବଚା ଉପରେ ଏହାର ଖରାପ ପ୍ରଭାବ ପଡିଥାଏ ।

 

ଏସବୁ କରିବା ପରେ ମଧ୍ୟ ତ୍ବଚାରେ ଅନାବଶ୍ୟକ କେଶ ରହିଯାଇଥାଏ । ଚେହେରାର ତ୍ବଚା ଅତି କୋମଳ ହୋଇଥିବାରୁ ବ୍ଲିଚ୍ ବା ୱାକ୍ସିଙ୍ଗ କରିବା ଦ୍ବାରା ତ୍ବଚାକୁ କ୍ଷତି ପହଞ୍ଚିଥାଏ ।

 

ତା’ ଛଡା ପାର୍ଲର ଯାଇ ଏସବୁ କରିବା ଅତ୍ୟନ୍ତ ବ୍ୟୟ ସାପେକ୍ଷ ।

 

ଆପଣ ଯଦି ଘରେ ବିନା କୌଣସି ଅଧିକ ଖର୍ଚ୍ଚରେ ମୁହଁ ବା ଚେହେରାରୁ ଅନାବଶ୍ୟକ କେଶ ଦୂରେଇବାକୁ ଚାହୁଁଥାନ୍ତି , ତେବେ ଏଥିପାଇଁ ଲେମ୍ବୁ ଓ ଅଣ୍ଡା ବ୍ୟବହାର କରିପାରିବେ ।  

 

ଅଣ୍ଡା

ବହୁତ କମ୍ ଲୋକ ଜାଣି ଥାଆନ୍ତି ଯେ, ଅଣ୍ଡାର ଧଳା ଅଂଶ ତ୍ବଚାର ରଙ୍ଗ ସଫା କରିଥାଏ ।

 

ଚେହେରାକୁ ସୁନ୍ଦର କରିବା ପାଇଁ ମଧ୍ୟ ଆପଣ ନିୟମିତ ଭାବରେ ଅଣ୍ଡାର ଧଳା ଅଂଶ ବ୍ୟବହାର କରି ପାରିବେ । ଏହା ସହ ଚିନି ବ୍ୟବହାର କରି ମୃତ କୋଷିକାକୁ ବାହାର କରି ପାରିବେ।

 

ଗୋଟିଏ ଅଣ୍ଡାର ଧଳା ଅଂଶ ନେଇ ସେଥିରେ ଦୁଇ ଚାମଚ ଚିନି ମିଶାଇ ପେଷ୍ଟ ତିଆରି କରନ୍ତୁ । ଏହାକୁ ଚେହେରାରେ ଲଗାଇ କିଛି ସମୟ ଶୁଖିବାକୁ ଛାଡି ଦିଅନ୍ତୁ । ଫେସ୍ ପ୍ୟାକ୍ ଶୁଖିଗଲେ ହାତରେ ଧୀରେ ଧୀରେ ଘସି ଧୋଇ ଦିଅନ୍ତୁ ।

 

ଏହାକୁ ସପ୍ତାହରେ ଦୁଇ ଥର କରିବା ପରେ ଫରକ୍ ଆପଣ ନିଜେ ଜାଣି ପାରି​‌ବେ ।

 

ଲେମ୍ବୁ

ଯେଉଁମାନେ ଅଣ୍ଡା ବ୍ୟବହାର କରିବାକୁ ଚାହୁଁନଥିବେ ସେମାନେ ଲେମ୍ବୁ ରସ ବ୍ୟବହାର କରି ପାରିବେ ।

 

ଏକ ଚାମଚ ଲେମ୍ବୁ ରସ ନେଇ ସେଥିରେ ୨ ଚାମଚ ଚିନି ଏବଂ ୧୦ ଚାମଚ ପାଣି ମିଶାଇ ପେଷ୍ଟ ତିଆରି କରନ୍ତୁ ।

 

ଏହାକୁ ମୁହଁରେ ଲଗାଇ ୧୫ରୁ ୨୦ ମିନିଟ୍ ପରେ ହାତରେ ଘସି କରି ଧୋଇ ହୋଇ ପଡନ୍ତୁ ।

 

ସପ୍ତାହରେ ୨ରୁ ୩ ଥର ଏହି ପ୍ୟାକ୍ ଲଗାଇବା ଆବଶ୍ୟକ ।

 

 

Share on Facebook
Share on Twitter
Please reload

ଅନ୍ୟାନ୍ୟ ବେତାର
Please reload

©୨୦୧୯ବେତାର 

World Trends Odia News at your fingertip-Betara

  • Facebook Social Icon
  • Twitter Social Icon